Կադիրովը պատմել է Սիրիայից երկու երեխաների վերադարձի գործողության մանրամասները

12:00 • 16.12.17

Չեչնիայի ղեկավար Ռամզան Կադիրովը պատմել է Սիրիայից երկու երեխաների վերադարձի գործողության մանրամասները՝ հրապարակելով հաղորդագրություն Instagram-ի իր էջում:


Սիրիայում փրկված երկու երեխա շաբաթ Ստամբուլից չվերթով տեղափոխվել է Գրոզնի, տասը տարեկան տղային և ութ տարեկան աղջկան ուղեկցել է նրանց մայրը: Մոտ մեկ շաբաթից սպասվում է Իրաքում փրկված ևս ավելի քան 100 կնոջ և երեխաների ժամանումը Չեչնիա:


«Սիրիայից և Իրաքից Ռուսաստանի քաղաքացիներին փրկելուն ուղղված հերթական գործողությունը բարեհաջող իրականացվել է: Լույս շաբաթ «Գրոզնի» օդանավակայանում վայրէջք է կատարել Ստամբուլից ինքնաթիռը: Օդանավի ուղևորների մեջ են եղել Չեչնիայի երկու փոքր բնակիչ՝ տասը տարեկան Իսլամը և ութ տարեկան Տանզիլան: Նրանց պատերազմի մեջ գտնվող Սիրիա էր տարել նրանց հայրը, որը 2015 թվականին միացել էր «Իսլամական պետություն» ահաբեկչական խմբավորման ահաբեկիչների շարքերին...»,- գրել է Կադիրովը:


Չեչնիայի ղեկավարը շնորհակալություն է հայտնել Ռուսաստանի նախագահ Վլադիմիր Պուտինին, ինչպես նաև բոլորին, ով ներգրավված է եղել երեխաներին տուն բերելու գործողությանը:


Նշվում է, որ այսօրվա դրությամբ Չեչնիայի իշխանությունների աջակցությամբ մոտ 100 կին ու երեխա Իրաքից և Սիրիայից վերադարձել է հայրենիք: Նրանք եղել են Չեչնիայի, Դաղստանի, Ինգուշեթիայի, Բաշկիրիայի, Տվեր, Նիժնեվարտովսկ քաղաքների բնակիչներ, ինչպես նաև Ղազախստանի և Ուզբեկստանի քաղաքացիներ: