Ֆրանկֆուրտի օդանավակայանում ձնաբքի պատճառով չեղարկվել է մոտ 170 չվերթ

13:30 • 18.12.17

Մայնի Ֆրանկֆուրտի օդանավակայանում ձնաբքի պատճառով երկուշաբթի առավոտյան չեղարկվել է մոտ 170 չվերթ, մի շարք չվերթներ վայրէջքի համար ուղարկվել են այլ օդանավակայաններ, գրում է Frankfurter Rundschau-ն՝ օդանավակայանը ղեկավարող Fraport ընկերության ներկայացուցչին հղումով։


Fraport-ի կայքում ասվում է, որ եղանակային պայմանների պատճառով դեկտեմբերի 18-ի առաջին կեսին Ֆրանկֆուրտի օդանավակայանում կարող են լինել չվերթների ուշացումներ և չեղարկումներ։


Օդանավակայանի էլեկտրոնային ցուցատախտակի տվյալների համաձայն՝ չեղարկվել են ինչպես ներքին (Բեռլին, Համբուրգ և Մյունխեն), այնպես էլ միջազգային չվերթներ (Վիեննա, Բուդապեշտ, Պրահա և այլն):