Ֆիլիպիններում փոթորկի զոհ է դարձել 27 մարդ, ևս 24-ն անհայտ կորած են համարվում

11:25 • 18.12.17

Ֆիլիպիններում մոլեգնած փոթորկի հետևանքով մահացել է առնվազն 27 մարդ, ևս 24-ը համարվում են անհայտ կորած, այս մասին գրում է РИА Новости գործակալությունը:


Փոթորկի պատճառով սկսվել են ջրհեղեղներ ու սողանքներ:


Հայտնի է, որ վնասվել է Բիլիրան կղզու ենթակառուցվածքը, քաղաքներից մեկում փլուզվել է երկու դպրոց: Որոշ քաղաքներ հայտնվել են մեկուսացման մեջ, քանի որ փոթորկի պատճառով քանդվել են կամուրջները:

Նման եղանակային պայմանների պատճառով ավելի քան 11.000 մարդ չի կարողանում դուրս գալ նավահանգիստներից:

Հայտնի է, որ այսօր փոթորկից տուժած շրջաններ է պատրաստվում այցելել երկրի նախագահ Ռոդրիգո Դուտերտեն: