Գրոհայինները ռմբակոծել են Դամասկոսի արևելյան շրջանները. կան զոհեր

20:53 • 19.12.17

Սիրիայի մայրաքաղաք Դամասկոսի արևելյան շրջանում գտնվող Զաբլատանի թաղամասը ռմբակոծության է ենթարկվել, ինչի հետևանքով 3 մարդ զոհվել է, ևս հինգը` վիրավորվել:

Այս մասին հայտնում է РИА Новости-ն՝ վկայակոչելով քաղաքի ոստիկանությանը: Ինչպես նշվում է, սիրիական մայրաքաղաքի կենտրոնական թաղամասերի և ծայրամասերի ռմբակոծությունները հաճախացել են սեպտեմբերի վերջից:

Հիմնականում ռմբակոծության և հրթիռակոծության է ենթարկվում քաղաքի պատմական կենտրոնը: Գրոհայինները կրակ են բացում Դամասկոսի արևելյան և հարավարևելյան շրջաններից՝ խախտելով դեէսկալացիոն գոտիների մասին պայմանավորվածությունները, որոնք ձեռք են բերվել Աստանայի բանակցությունների արդյունքում: