Ֆրանսիայում տոնական օրերին անվտանգությունը կապահովի մոտ 100 000 ոստիկան
Ֆրանսիայի իշխանությունները սուրբծննդյան և ամանորյա տոների ընթացքում անվտանգության ապահովման համար ներգրավել են ոստիկանության և անվտանգության ծառայությունների մոտ 100 հազար աշխատակցի: Այդ մասին հայտնում է interfax.ru-ն՝ վկայակոչելով Ֆրանսիայի ներքին գործերի նախարարությանը:
Դա կապված է նրա հետ, որ հատուկ ծառայությունների գնահատմամբ՝ ծայրահեղականների տարբեր տեսակի գործողությունների հավանականությունը բավական բարձր է մնում:
Ինչպես հաղորդվում է գերատեսչության հաղորդագրությունում, հաշվի առնելով այն, որ «բավական բարձր է պահպանվում ահաբեկչական վտանգը»՝ նախարարությունը տոնական օրերին անվտանգության ապահովմանը ներգրավում է ոստիկանության և անվտանգության ծառայությունների 97 հազար աշխատակիցների:










