Անապայում մահափորձ է իրականացվել հայ քրեական հեղինակության որդու դեմ

09:28 • 26.12.17

ՌԴ Անապա քաղաքում մահափորձ է իրականացվել հայ քրեական հեղինակություն Վալտեր Հարությունյանի որդու՝ գործարար Տիմուր Պոդոլսկու դեմ, այս մասին տեղեկացնում է rusarminfo.ru կայքը՝ հղում անելով «Интерфакс-Юг» գործակալությանը:

Հայտնի է, որ հարձակման հետևանքով Հարությունյանի որդին լուրջ վնասվածք է ստացել:

Ըստ նախնական տեղեկատվության՝ դեպքը տեղի է ունեցել լույս դեկտեմբերի 21-ին, քաղաքի Շևչենկո փողոցի վրա գտնվող հյուրանոցներից մեկի տարածքում:


Դեպքի առթիվ հարուցվել է քրեական գործ՝ մահափորձի իրականացման և անօրինական զենքի կրման մեղադրանքով: Գործով զբաղվում է Կրասնոդարի երկրամասի ոստիկանությունը:

Աղբյուրը մանրամասնում է, որ մեկուկես տարվա ընթացքում սա արդեն երկրորդ մահափորձն է Պոդոլսկու դեմ: 2016 թվականի հունիսի 16-ին գործարարի մեքենան ենթարկվել էր հարձակման, մեքենայում գտնվել էին նաև նրա կինն ու երեխան: Կրակոցների հետևանքով Պոդոլսկու կինը մահացել է: