Մոլդովայում արգելել են ռուսական լրատվական ծրագրերը

15:03 • 10.01.18

Մոլդովայի խորհրդարանի խոսնակ Անդրիան Կանդուն նախագահ Իգոր Դոդոնի փոխարեն հաստատել է օրենք, որն արգելում է Ռուսաստանից լրատվական և տեղեկատվա-վերլուծական հաղորդումների հեռարձակումը: Այդ մասին հայտնում է «ՌԻԱ Նովոստի»-ն՝ վկայակոչելով խորհրդարանի մամուլի ծառայությանը:


«Օտարերկրյա քարոզչության» դեմ պայքարի մասին օրենքը ստորագրելու իրավունքով Կանդուին օժտել է Սահմանադրական դատարանը՝ պատճառով, որ Դոդոնը երկու անգամ մերժել է այն:


Սահմանադրության համաձայն՝ նախագահը, չնայած անհամաձայնությանը, պարտավոր է հաստատել փաստաթուղթը, եթե խորհրդարանը երկու անգամ այն ընդունում է: Այդ առնչությամբ Սահմանադրական դատարան է դիմել խորհրդարանում մեծամասնություն հանդիսացող Դեմոկրատական կուսակցության խմբակցությունից պատգամավոր Սերգեյ Սիրբուն: Նա հայտարարել է, որ այդ իրավիճակում անհրաժեշտ է նախագահի ժամանակավոր պաշտոնակատար:


Դատարանը վճռել է, որ Հեռուստատեսության և ռադիոյի մասին օրենսգրքում փոփոխության մասին օրենքը կարող է հաստատել խորհրդարանի խոսնակը կամ վարչապետը: