Օմսկի բնակիչները փողոցում գտել են 5-ամյա աղջկա, որը գտնվել է ալկոհոլի ազդեցության տակ
Ռուսաստանի Օմսկ քաղաքում անցորդները փողոցում գտել են 5-ամյա աղջկա, որը քայլել է փողոցով առանց վերնազգեստի և գտնվել է ալկոհոլի ազդեցության տակ, գրում է life.ru-ն:
Հայտնի է, որ փոքիկ աղջկան գտել են հունվարի 15-ին՝ ժամը 18։00-ի սահմաններում, իսկ այդ ընթացքում նրա հայրը տանը քնած է եղել:
Սրտացավ անցորդներն աղջկան արագ տարել են մոտակա խանութներից մեկը և ահազանգել շտապօգնություն ու ոստիկանություն: Զննման ընթացքում պարզվել է, որ երեխայի արյան մեջ ալկոհոլ է պարունակվել:
Դեպքի վայր ժամանած ոստիկանները հասկացել են, որ երեխան տեղի բնակիչներից մեկի դուստրն է. նրա հայրը նախկինում ենթարկվել է քրեական պատասխանատվության:
Աղջկա հորը հայտնաբերել են տանը՝ հարբած և քնած վիճակում: Երեխայի մայրն այդ ընթացքում գտնվել է աշխատավայրում:










