Թուրքիայում ուսումնական ինքնաթիռ է կործանվել, անձնակազմը զոհվել է
Թուրքիայի Իսպարթա նահանգի Յալվաչ շրջանի Քըրքբաշ գյուղի Էղիրդիր լճի մոտակայքում ուսումնական թռիչքի ժամանակ կործանվել է ռազմական ինքնաթիռ, այս մասին տեղեկացնում է թուրքական «Աքշամ» պարբերականը:
Աղբյուրը նշում է, որ ինքնաթիռի 3 հոգանոց անձնակազմը զոհվել է: Լուրն արդեն հաստատվել է Թուրքիայի ԶՈւ-ի ԳՇ-ի պաշտոնական հայտարարությամբ:
Ինքնաթիռի կործանման պատճառը դեռևս հայտնի չէ, չի բացառվում եղանակային վատ պայմանների՝ մասնավորապես տարածքում եղած խիտ մառախուղի գործոնը: Ինքնաթիռն օդ էր բարձրացել թուրքական Էսքիշեհիր քաղաքի ավիաբազայի տարածքից:










