Vanity Fair ամսագիրը հրապարակել է «Օսկար»-ին ընդառաջ ավանդական աստղային շապիկը (լուսանկարներ)

14:19 • 26.01.18

Ամերիկյան Vanity Fair ամսագիրը, հետևելով ամենամյա ավանդույթին, հեղինակավոր «Օսկար» կինոմրցանակաբաշխությունից առաջ ներկայացրել է հոլիվուդյան աստղերի մասնակցությամբ շապիկն ու հատուկ համարը:

Այս տարի ամսագրի շապիկը զարդարել է 12 հայտնի անձ՝ Օփրա Ուինֆրին, Նիկոլ Քիդմանը, Ռիզ Ուիզերսփունը, Թոմ Հենքսը, Ջեսիկա Չեսթեյնը, Հարիսոն Ֆորդը, Գալ Գադոտը, Ռոբերտ դե Նիրոն, այլք:

Նշվում է, որ հավաքական լուսանկարի հեղինակն Էնի Լեյբովիցն է, որը մեկ կադրում է հավաքել ամերիկյան կինոարտադրության և հեռուստատեսության ամենաազդեցիկ դեմքերին:

Հայտնի է, որ ամսագրի գլխավոր խմբագիր Գրեյդոն Քարտերը սկսել է հոլիվուդյան համարը թողարկել 20 տարի առաջ:

All stars: (L-R) Oprah Winfrey, Nicole Kidman, Reese Witherspoon, Tom Hanks, Michael B Jordan, Zendaya, Jessica Chastain Claire Foy, Michael Shannon, Harrison Ford, Gal Gadot, Vanity Fair editor Graydon Carter and Robert De Niro all appear in Vanity Fair's new portfolio of Hollywood's finest