Անդրեյ Զվյագինցևը «Ոսկե արծիվ» է ստացել լավագույն ռեժիսորական աշխատանքի համար

ՌԴ հայտնի ռեժիսոր Անդրեյ Զվյագինցևն արժանացել է «Ոսկե արծիվ» ազգային կինոմրցանակին՝ «Չսեր» ֆիլմի համար: Այս մասին հայտնում է «РИА Новости»-ն:

Նշվում է, որ «Ոսկե արծիվ» ազգային կինոմրցանակաբաշխության արարողությունն անցկացվել է երեկ՝ «Մոսֆիլմ» կինոկոնցեռնի տաղավարներից մեկում:

Այս տարի «Լավագույն ռեժիսորական աշխատանք» անվանակարգում ներկայացվել են նաև Բորիս Խլեբնիկովի «Առիթմիա» և Վալերի Տոդորովսկու «Մեծ» ֆիլմերը:

Ռուսական «Ոսկե արծիվ» ազգային  կինոմրցանակը 2002 թվականի մարտի չորսին հիմնել է Ռուսաստանի կինեմատոգրաֆիական արվեստների և գիտությունների ազգային ակադեմիան: Փորձագետների խորհուրդն իրականացնում է ընտրությունը տարբեր անվանակարգերում: Մրցանակը բաշխվում է ակադեմիայի գործող անդամների և թղթակից անդամների քվեարկության արդյունքում: