Չինաստանում 26 մարդու են ձերբակալել այծերի մաքսանենգ ներկրման համար
Չինաստանի Ֆուցզյան նահանգի Ֆուչժոու քաղաքի ոստիկանությունը 26 մարդու է ձերբակալել՝ Մյանմայից այծերի մաքսանենգ տեղափոխության կասկածանքով:
Ինչպես հաղորդում է РИА Новости-ն՝ վկայակոչելով չինական աղբյուրը, հանցագործներին հաջողվել է մաքսանենգ ճանապարհով 270 մլն յուան (43 մլն դոլար) վաստակել:
Նահանգի մաքսային ծառայությունն ու մաքսանենգության դեմ պայքարի ոստիկանական բաժանմունքը համատեղ հետաքննություն են սկսել անցյալ տարվա ապրիլին, երբ հաղորդում էին ստացել համապատասխան իրավախախտումների մասին:
8 ամիս հետաքննություն անցկացնելու արդյունքում իրավապահ մարմիններին հաջողվել է պարզել, որ նահանգի տարածքում հանցավոր խմբավորում է գործում, որն անօրինական ճանապարհով մեծ քանակությամբ այծեր է ներկրում Չինաստան:










