Աշխարհում սովի մատնված մարդկանց օգնելու համար 2018-ին ՄԱԿ-ին պետք կգա 1.06 մլրդ դոլար

14:13 • 09.02.18

ՄԱԿ-ի Համաշխարհային պարենի և գյուղատնտեսության կազմակերպությունը (FAO) 2018 թվականին դոնորներից ակնկալում է 1.06 մլրդ դոլար ստանալ՝ աշխարհում սովի մատնված մարդկանց օգնելու համար, գրում է կազմակերպության լրատվական կայքը:

Հայտնի է, որ կապված զինված հակամարտությունների, ինչպես նաև կլիմայական փոփոխություններից բխող եղանակային պայմանների հետ՝ աշխարհում զգալիորեն աճել է սովից տառապող մարդկանց թիվը:

ՄԱԿ-ում հույս ունեն, որ 1.06 միլիարդը կբավարարի այս մարդկանց խնդիրները լուծելու համար:

Թիրախային խմբում էն աշխարհի 26 երկրներում բնակվող ավելի քան 30 մլն մարդ. այդ երկրների թվում են Ուկրաինան, Աֆղանստանը, Բանգլադեշը, Հաիթին, Հարավային Սուդանն ու Եմենը:

FAO-ի ներկայացուցիչ Դոմինիկ Բուրժոնը նշել է, որ, ցավոք, այս երկրներից շատերում դեռևս նկատվում են շարունակվող զինված հակամարտություններ և բնական աղետներ, ինչն է՛լ ավելի է բարդացնում իրավիճակը:

Առաջին հերթին, օգնություն կհատկացվի գյուղական բնակավայրերում ապրողներին և նրանց, ում կյանքն անմիջապես կախված է գյուղատնտեսության զարգացումից: Մարդկանց կբաշխվեն սերմեր և գյուղատնտեսական գործիքներ, ինչպես նաև ուսուցողական դասընթացներ կանցկացվեն հողային և ջրային ռեսուրսների ճիշտ օգտագործման հետ կապված:

Այն մարդիկ, որոնք շտապ կարիք ունեն սննդի, կստանան գումար:

Ըստ ՄԱԿ-ի տվյալների՝ այժմ աշխարհում հաշվվում է շուրջ 815 մլն մարդ, ովքեր տառապում են սովից: