Երևան-Մոսկվա ինքնաթիռը վառելիքի պակասի պատճառով հարկադիր վայրէջք է կատարել
Երևան-Մոսկվա չվերթն իրականացնող ուղևորատար Airbus A321-ը օդում վառելիքի պակասի խնդիր է ունեցել:
Այս մասին հայտնում է rusarminfo.ru-ն՝ հղում անելով РЕН ТВ հեռուստաալիքին, որը մեջբերում է ավիադիսպետչերական ծառայությունների իր աղբյուրին:
«Օդանավի հրամանատարը տվել է «Pan-Pan» ահազանգը, որը խորհրդանշում է վթարային իրավիճակի առաջացում, որի ժամանակ, սակայն, ինքնաթիռին ու դրա ուղևորների կյանքին ոչինչ չի սպառնում և անհապաղ օգնություն չի պահանջվում», - նշել է աղբյուրը:
Հեռուստաալիքի տվյալների համաձայն՝ ուղևորատար ինքնաթիռին արտակարգ վայրէջքի հնարավորություն է տրամադրվել: Աղբյուրը չի մանրամասնում՝ որ օդանավակայանում է ինքնաթիռը վայրէջք կատարել:










