Ռուս կնոջը ստիպված իջեցրել են կրուիզային նավից՝ զուգարանի հերթի համար կռվի պատճառով

11:42 • 12.02.18

Կրուիզային նավի անձնակազմի անդամները ստիպված են եղել Ավստրալիայում նավից իջեցնել ռուս կնոջը՝ զուգարանի համար հերթում կռիվ սարքելու համար, այս մասին գրում է News.com.au պորտալը:

37-ամյա կինը գինու դատարկ շշով հարվածել է ուղևորներից մեկի գլխին այն պահին, երբ նավի վրա գտնվող տղամարդկանց երկու խմբերը սկսել են վիճել: Վեճի մեջ ներքաշված է եղել նաև ռուս կնոջ ընկերը:

Դեպքի պատճառով նավի անձնակազմը ստիպված է եղել նավից իջեցնել 8 մարդու, ՌԴ քաղաքացուհուն մեղադրանք է առաջադրվել, նա ազատվել է գրավի դիմաց և ազատության մեջ կմնա մինչ մարտին տեղի ունենալիք դատը: