Ռուսաստանում հայերի մասնակցությամբ ՃՏՊ է գրանցվել
Ռուսաստանի Դաշնության Լենինգրադի մարզի Բուգրի համայնքում հայերի մասնակցությամբ ճանապարհատրանսպորտային պատահար է գրանցվել, գրում է konkretno.ru-ն:
Audi A6 մեքենայի վարորդը, որը ենթադրաբար ծնունդով Հայաստանից է, կորցրել է մեքենայի կառավարումն ու, դուրս գալով երթևեկելի գոտուց, բախվել էլեկտրահաղորդման գծին: Տղամարդը տեղում մահացել է: Նրա անունը դեռ չի հրապարակվում:
Մեքենայի երկու ուղևորները, որոնք նույնպես հայեր են և համայնքի բնակիչներ, տեղափոխվել են հիվանդանոց: Նրանցից մեկը 38, մյուսը 35 տարեկան է: Ուղևորներից մեկի վիճակը բժիշկները գնահատում են միջին ծանրության, մյուսն ունի թեթև վնասվածքներ:
Այլ մանրամասներ չեն հաղորդվում:










