Պապուա Նոր Գվինեայում երկրաշարժի հետևանքով մահացել է 30 մարդ, կա ավելի քան 300 տուժած (լուսանկարներ)
Պապուա Նոր Գվինեայում ուժգին երկրաշարժի հետևանքով մահացել է 30 մարդ, գրում է Post Courier-ը:
Հայտնի է, որ լույս երկուշաբթի տեղի ունեցած երկրաշարժի ուժգնությունը կազմել է 7.5 մագնիտուդ, դրան հաջորդել է մի քանի հետցնցում, երկրաշարժի օջախը գտնվել է 25 կմ խորության վրա:
Նշվում է, որ երկրաշարժից տուժել է ավելի քան 300 մարդ:
Ստորգետնյա ցնցումները նպաստել են սողանքների առաջացմանը, ինչի հետևանքով վնասվել ու փլուզվել են շենքեր: Բնական աղետն էլեկտրամատակարարման ու ավիահաղորդակցության աշխատանքում ընդհատումների պատճառ է դարձել:
Բացի այդ՝ ցնցումները խաթարել են նաև նավթագազային ընկերությունների աշխատանքը:














