Շրի Լանկայում 10 օրով արտակարգ դրության ռեժիմ է սահմանվել
Շրի Լանկայի իշխանությունները 10 օրով արտակարգ դրության ռեժիմ են սահմանել կղզում, ինչի պատճառը պետության կենտրոնական շրջանում՝ Տենդենիա քաղաքում, միջէթնիկ բախումներն են:
The Sunday Times-ի հաղորդմամբ՝ արտակարգ դրության ռեժիմ մտցնելու մասին որոշումը կայացվել է այսօր՝ կառավարական նիստի ժամանակ:
Նշվում է, որ բախման հետևանքով մահացել է առնվազն երկու մարդ: Կանդի շրջանում անկարգությունների պատճառով պարետային ժամ է մտցվել:
Շրի Լանկայի Զբոսաշրջության խթանման բյուրոյի գործադիր տնօրեն Սութեաշ Բալասուբրամանիամի խոսքով՝ արտակարգ դրության ռեժիմն ազդեցություն կունենա զբոսաշրջիկների հոսքի վրա, սակայն այն կլինի աննշան և ոչ երկարատև:
Աղբյուրի տվյալների համաձայն՝ արտակարգ դրության ռեժիմի վերաբերյալ պաշտոնական հրահանգները կհրապարակվեն ավելի ուշ:










