Պուտինն ու ՖԻՖԱ-ի նախագահը ֆուտբոլ են խաղացել Կրեմլում (տեսանյութ)
ՌԴ նախագահ Վլադիմիր Պուտինը և ՖԻՖԱ-ի նախագահ Ջանի Ինֆանտինոն ֆուտբոլ են խաղացել Կրեմլի հյուրասենյակում, հայտնում է «ՌԻԱ Նովոստի»-ն:
Այդ կադրերն ընդգրկվել են Ֆուտբոլի միջազգային ֆեդերացիայի կայքում հրապարակված տեսանյութում: Տեսանյութում գնդակի տիրապետման իրենց հմտություններն են ցուցադրում առաջիկա Ֆուտբոլի աշխարհի առաջնության մասնակից երկրների հավաքականները ներկայացնող աստղերը, այդ թվում՝ անգլիացի Ուեյն Ռունին, բրազիլացի Ռոնալդոն, մեքսիկացի Խորխե Կամպոսը, այլք:
«Անգամ ՖԻՖԱ-ի նախագահ Ջանի Ինֆանտինոն և Ռուսաստանի նախագահ Վլադիմիր Պուտինն են հայտնվել տեսանյութում և մի քանի փոխանցում արել»,- նշել են ՖԻՖԱ-ում:
Նշենք, որ Ֆուտբոլի աշխարհի առաջնությունը մեկնարկում է հունիսի 14-ին՝ Ռուսաստանի և Սաուդյան Արաբիայի խաղով:
Товарищеский матч между Инфантино и Путиным в Кремле. Мяч на нашей стороне поля pic.twitter.com/ul7C6YGSSZ
— Кремлевский пул РИА (@Kremlinpool_RIA) March 6, 2018










