Իտալիայի հյուսիսում աջ ծայրահեղական կուսակցության գրասենյակի մոտ պայթուցիկ սարք է պայթել
Ինքնաշեն ռումբ է պայթել Տրենտո քաղաքում իտալական Casapound աջ ծայրահեղական կուսակցության գրասենյակի մոտ: Այդ մասին հայտնում է «ՌԻԱ Նովոստի»-ն՝ վկայակոչելով քաղաքական կուսակցության մամուլի ծառայությանը:
Պայթյունի ալիքը վնասել է շենքի մուտքը, կոտրել է պատուհանները և դուռը: Պայթյունի կազմակերպիչները պատին թողել են «Միակ ճիշտ ձայնը անտիֆաշիզմն է, միշտ» գրությունը:
Հաղորդվում է, որ դեպքի վայր են ժամանել ոստիկանության հակաահաբեկչական ստորաբաժանման աշխատակիցները: Քննությունն ուսումնասիրում է միջադեպում ձախ արմատական կազմակերպությունների ակտիվիստների մասնակցությունը:










