Ղազախստանի ոստիկանությունը տասնյակ մարդկանց է ձերբակալել Ալմաթիում և Աստանայում (լուսանկարներ)

18:27 • 23.06.18

Ալմաթիի կենտրոնում տասնյակ մարդիկ են ձերբակալվել, հայտնում է azattyq.org-ը՝ նշելով, որ ձերբակալվածները ոչ մի կարգախոս չէին վանկարկում և պահանջներ չէին առաջադրում: Լրատվամիջոցի հաղորդմամբ՝ Ալմաթիի կենտրոնական հատվածում բազմաթիվ ոստիկաններ են գտնվում, այդ թվում հատուկ նշանակության ջոկատի մարտիկներ:

Աստանայում նույնպես ձերբակալություններ են տեղի ունենում: Լրատվամիջոցի հաղորդմամբ՝ ձերբակալվել է մեկ տասնյակից ավելի մարդ: Նրանք նույնպես որևէ կարգախոսներ չէին վանկարկում:

Աստանայի Սարյարկայի շրջանի դատախազության ներկայացուցիչը դիմել է քաղաքի ակիմատի դիմաց գտնող հրապարակի մոտակայքում հավաքված մարդկանց և հայտարարել է, որ ակցիան արտոնաված չէ և պահանջել է նրանց հեռանալ: Մարդիկ հայտնել են, որ իրենք որևէ հանրահավաք չեն անցկացնում:

Ավելի վաղ Ղազախստանում արգելված «Ղազախստանի ժողովրդավարական ընտրություն» շարժումը սոցիալական ցանցերով և մեսենջերներով կոչ է արել իր աջակիցներին հունիսի 23-ին դուրս գալ հանրահավաքի երկրում «անվճար կրթության» համար: Շարժման հիմնադիրը 2009 թվականից արտասահմանում բնակվող նախկին գործարար Մուխտար Աբլյազովն է:

Полиция задерживает людей в центре Алматы. 23 июня 2018 года.

Полиция задерживает человека недалеко от площади близ акимата Астаны. 23 июня 2018 года.

Как задерживали в Алматы и Астане