Մոսկվայում բնակվող հայից 45 մլն ռուբլի արժողությամբ բիթքոին են գողացել

22:03 • 28.06.18

Ռուս իրավապահները ձերբակալել են մերձմոսկովյան Կորոլյով շրջանի բնակչին՝ 25-ամյա հայազգի քաղաքացուց բիթքոիններ գողանալու կասկածանքով:

Ինչպես տեղեկացնում է «Մոսկվա» գործակալությունը՝ հղում անելով իրավապահ մարմիններին, մոսկվաբնակ հայը ոստիկանություն է դիմել խարդախության մասին հայտարարությամբ: Անհայտ անձինք խաբել են տուժածին՝ խոստանալով օգնել իրեն 103 բիթքոինը վաճառելու հարցում: Ընդհանուր առմամբ 45.3 մլն ռուբլի արժողությամբ թվային արժույթի փոխանցումից հետո չարագործները թաքնվել են: 

Ոստիկանությունը պարզել է, որ բիթքոինի փոխանցումը տեղի է ունեցել Մոսկվայի կենտրոնում գտնվող գրասենյակում: Կասկածյալի նկատմամբ տնային կալանք է սահմանվել: Նրան մեղադրում են խոշոր չափի խարդախության իրագործման մեջ: Քննությունը պարզում է գործի համախոհներին: