Պուտինը հայտնել է Սիրիայից ավելի քան 1000 ռուս զինվորականի դուրսբերման մասին

16:21 • 28.06.18

ՌԴ նախագահ Վլադիմիր Պուտինը Կրեմլում ռազմական բուհերի շրջանավարտների հետ հանդիպմանը պատմել է, թե ինչպես է ընթանում Սիրիայից զորքերի դուրսբերման գործընթացը, գրում է «ՌԻԱ Նովոստի»-ն:

Վերջին մի քանի օրերի ընթացքում երկրի սահմաններից դուրս է եկել 13 ինքնաթիռ, 14 ուղղաթիռ և անձնակազմի 1.140 անդամ:

ՌԴ նախագահը հավելել է, որ բոլոր այդ մարդիկ փորձառու են և մասնակցել են մարտական գործողությունների:

«Ե՛վ դուք, և՛ ձեր ծառայակիցները պետք է լիարժեք օգտագործեք անձնակազմի մարտական պատրաստվածության համար այդ փորձն այստեղ՝ Ռուսաստանի Դաշնության տարածքում՝ ամենաբարդ խնդիրների իրականացման համար»,- ասել է ՌԴ նախագահը: