Զովունիում փրկարարները հայտնաբերել են օձին և տեղափոխել անվտանգ տարածք

21:52 • 21.07.18

Հուլիսի 21-ին՝ ժամը 17:06-ին, «911» ծառայությանն ահազանգ է ստացվել, որ Կոտայքի մարզի Զովունի գյուղի 1-ին փողոցի թիվ 108 հասցեում գործող ավտոլվացման կետում նկատվել է օձ. անհրաժեշտ է փրկարարների օգնությունը:

Ինչպես տեղեկացնում է Արտակարգ իրավիճակների նախարարությունը, դեպքի վայր է մեկնել ՀՀ ԱԻՆ ՓԾ հրշեջ-փրկարարական ջոկատից մեկ մարտական հաշվարկ:

Փրկարարները հայտնաբերել են սահնօձ տեսակի օձ և տեղափոխել անվտանգ տարածք: