Իսպանական տոնակատարության ժամանակ հսկայական գունդը հարվածել և գետնին է տապալել 29-ամյա տղամարդու (լուսանկարներ, տեսանյութ)
Համացանցում տեսանյութ է հայտնվել, որում երևում է, թե ինչպես է իսպանական տոնակատարության ժամանակ քառորդ տոննա քաշով հսկայական գունդը հարվածում 29-ամյա տղամարդուն, գրում է Daily Mail-ը։
Տեսանյութը նկարահանվել է 2017 թվականին Մադրիդի Մատաելպինո թաղամասում ավանդական տոնակատարության ժամանակ։ Կայքը գրում է, որ այս տարի նույնպես տոնակատարության ժամանակ նման միջադեպ է գրանցվել, ինչի հետևանքով երկու մարդ է տուժել։
Տեսանյութում երևում է, թե ինչպես են տասնյակ մարդիկ վազում փողոցով, իսկ նրանց հետևից ծանր գունդը, մեծացնելով իր արագությունը, բախվում է մարդկանցից մեկին, որը չի հասցնում հեռանալ գնդի ճանապարհից։














