ԱՄՆ-ում Ազատության արձանի մոտ տեղի ունեցած պայթյունի հետևանքով ավելի քան 3000 մարդ է տարհանվել
ԱՄՆ-ում՝ Ազատության կղզում պայթյուն է տեղի ունեցել, ինչի հետևանքով կղզուց տարհանվել է առնվազն 3.4 հազար մարդ: Այս մասին հաղորդում է ամերիկյան ABC հեռուստաալիքը` հղում անելով ԱՄՆ Ազգային պարկերի ծառայությանը:
Հեռուստաալիքի հաղորդմամբ` արձանից ոչ շատ հեռու պրոպանով լի երեք բալոն է պայթել: Նախնական տվյալներով` պայթյունի պատճառը շինարարական աշխատանքների իրականացնող աշխատակիցների սխան է եղել, որոնցից մեկն էլ այրվածքներ է ստացել:
Նշվում է, որ մոտակայքում գտնվող այցելուները շտապ տարհանվել են և նավակներով տեղափոխվել հարևան կղզի:
Այս պահի դրությամբ` կրակի մարման աշխատանքներն ավարտված են և Ազատության արձանը կրկին բաց է այցելուների համար:










