Քասախում տներից մեկում հայտնաբերվել է բնակչի դին

09:29 • 29.08.18

Օգոստոսի 28-ին՝ ժամը 21:17-ին, «911» ծառայությանը տեղեկություն է հաղորդվել, որ Կոտայքի մարզի Քասախ գյուղի Նժդեհի փողոցի թիվ 2 շենքի բնակարաններից մեկի բնակիչը չի արձագանքում դռան թակոցներին և հեռախոսազանգերին. անհրաժեշտ է փրկարարների օգնությունը:


Ըստ ԱԻՆ կայքի՝ դեպքի վայր է մեկնել ՀՀ ԱԻՆ ՓԾ հրշեջ-փրկարարական ջոկատից մեկ մարտական հաշվարկ:

Փրկարարները բացել են բնակարանի դուռը. հյուրասենյակի անկողնում հայտնաբերվել է մոտ 70 տարեկան տղամարդու դի: