Գերմանիայի թվայնացման հարցերով պետնախարարը կփորձի ԹՈՒՄՈ բացել Գերմանիայում
Գերմանիայի թվայնացման հարցերով պետնախարար Դորոթի Բերը հայտնել է, որ ինքն ամեն ինչ կանի, որ Գերմանիայում ԹՈՒՄՈ կամ նմանատիպ մի այլ կենտրոն բացվի:
Այս մասին նա խոսել է՝ մեկնաբանելով Գերմանիայի կանցլեր Անգելա Մերկելի այցը Երևանում գտնվող Թումո ստեղծարար տեխնոլոգիաների կենտրոն, հաղորդում է Reuters-ը:
Աղբյուրի հաղորդմամբ՝ պետնախարարի հայտարարության հիմքն այն է, որ Թումոն արդեն «բացահայտվում է» նաև այլ երկրների կողմից ու արդեն 2018 թվականի սեպտեմբերին այն մասնաճյուղ կունենա Փարիզում, իսկ նոյեմբերին՝ Բեյրութում:
Reuters-ի հաղորդմամբ՝ աշխարհի տարբեր երկրներ արդեն հասցրել են գնահատել Թումոն, իսկ Գերմանիան արդեն երկար ժամանակ չի հետաքրքրվել «հարավկովկասյան այս երկրի նորարարություններով»:










