Մելբուրնի քիմիական գործարանում խոշոր հրդեհ է բռնկվել (լուսանկարներ, տեսանյութ)
Ավստրալական Մելբուրն քաղաքի արևմտյան արվարձաններից մեկում գտնվող քիմիական գործարանում խոշոր հրդեհ է բռնկվել, հաղորդում է АВС հեռուստաալիքը:
Երկրի հրշեջ ծառայության տվյալներով՝ հրդեհի մարման աշխատանքներին մասնակցում է ավելի քան 120 հրշեջ և մոտ 30 հրշեջ մեքենա:
Հրապարակված տեսանյութերում ու լուսանկարներում երևում է ծխի հսկայական սև սյունը, որը ձգտվում է մի քանի կիլոմետր՝ թունավորելով օդը: Նշվում է, որ գործարանի պահեստներում պարբերաբար ացետիլենով ու ացետոնով լի տարաներ են պայթում:
Հարակից տարածքներում փակ է մի քանի դպրոց: Բնակիչներին կոչ է արվել չբացել պատուհաններն ու դռները՝ տոքսիկ ծխից պաշտպանվելու և թունավորումներից խուսափելու համար:













