Իսրայելը հրթիռակոծել է Սիրիայի արևմտյան շրջանը

22:51 • 04.09.18

Սիրիայի հակաօդային պաշտպանությունը հետ է մղել Իսրայելի ռազմաօդային ուժերի հարձակումը՝ հինգ հրթիռ խոցելով:

Ինչպես հայտնում է РИА Новости-ն՝ հղում անելով սիրիական «ՍԱՆԱ» գործակալությանը, սիրիական ՀՕՊ համակարգերը մի քանի հրթիռ են խոցել, որոնք իսրայելական ուժերն արձակել էին Համայի մեձակայքում գտնվող Վադի ալ-Ույուն շրջանի ուղղությամբ:

Ավելի վաղ սիրիական գործակալությունը հայտնել էր, որ այդ շրջանում մի քանի պայթյուն է որոտացել: Ռազմական աղբյուրը հայտնել է հարձակման մանրամասները: Նրա խոսքով՝ ավիահարվածի են ենթարկվել Տարտուսի և Համայի ռազմական կառույցները:

Ինչպես հայտնել են բժիշկները, կատարվածի հետևանքով մեկ մարդ զոհվել է, չորսը տուժել են: