Հայաստան է այցելում ԵԱՀԿ գլխավոր քարտուղարը

00:19 • 04.09.18

Սեպտեմբերի 4-ին աշխատանքային այցով Հայաստան կժամանի ԵԱՀԿ գլխավոր քարտուղար Թոմաս Գրեմինգերը: Այս մասին ասվում է ՀՀ արտաքին գործերի նախարարության թվիթերյան էջում հրապարակված գրառման մեջ:

Այցի շրջանակներում նախատեսված են հանդիպումներ վարչապետ Նիկոլ Փաշինյանի, ՀՀ արտգործնախարար Զոհրաբ Մնացականյանի և ՀՀ ԱԺ նախագահ Արա Բաբլոյանի հետ:

Ազգությամբ շվեյցարացի Թոմաս Գրեմինգերը ԵԱՀԿ գլխավոր քարտուղարի պաշտոնն զբաղեցնում է 2017 թվականի հուլիսից։