Տուլայում տրոլեյբուսը մխրճվել է հինգհարկանի շենքի պատի մեջ. կան տուժածներ

01:28 • 07.09.18

Ռուսաստանի Դաշնության Տուլա քաղաքում ՃՏՊ է տեղի ունեցել տրոլեյբուսի մասնակցությամբ. տրանսպորտային միջոցը մխրճվել է հինգհարկանի շենքի պատի մեջ: Միջադեպը տեղի է ունեցել տեղական ժամանակով ժամը 22:12-ին, գրում է Gazeta.ru-ն` Myslo-ին հղումով:

Հաղորդվում է, որ վթարը տեղի է ունեցել Դմիտրի Ուլյանով փողոցում: Ինչպես հայտնել է ՌԴ ՆԳՆ Տուլայի մարզի վարչության մամուլի ծառայության ղեկավարի տեղակալ Սերգեյ Սերգեյչևը, միջադեպի հետևանքով տուժել է երեք մարդ, որոնցից երկուսը տրոլեբուսի ուղևորներ են, մեկը՝ բնակարաններից մեկի բնակչուհին:

Դեպքի վայրում այժմ աշխատում են ճանապարհային ոստիկանության աշխատակիցները: Վթարի մանրամասները դեռ պարզվում են: