Փարիզում անհայտ անձը մկրատով հարձակվել է անցորդների վրա
Փարիզի փողոցներից մեկում մկրատով զինված անհայտ անձը երկու անցորդի է վիրավորել: Այդ մասին տեղեկացնում է France 3 հեռուստաալիքը՝ հղում անելով իրավապահ մարմիններին:
Նշվում է, որ միջադեպը տեղի է ունեցել առավոտյան՝ Փարիզի 11-րդ շրջանում:
Աղբյուրը մանրամասնում է, որ հարձակվողը հարված է հասցրել փոստային աշխատակցի կոկորդին ու վնասել անցորդի:
Տղամարդուն ձերբակալել են Ռոկետ փողոցում ու ոստիկանություն տարել, որտեղ նրան հարցաքննում են:
Հիշեցնենք, որ կիրակի երեկոյան մեկ այլ անհայտ անձ էլ դանակով հարձակվել է անցորդների վրա, ինչի հետևանքով 7 մարդ է տուժել:










