ԱԺ-ում քննարկման է ներկայացվել Հաշվեքննիչ պալատի անդամի թեկնածության հարցը

11:26 • 10.09.18

Ազգային ժողովում քննարկման է ներկայացվել Հաշվեքննիչ պալատի անդամի թեկնածության հարցը: Առաջադրված թեկնածուն Կարեն Կարապետյանն է:

ԱԺ ֆինանսավարկային և բյուջետային հանձնաժողովի նախագահ Գագիկ Մինասյանը նշեց, որ քննարկումների արդյունքում համոզվել է, որ Կարեն Կարապետյանն ունի իսկապես այն մասնագիտական որակները, որ իրականացնի պատասխանատու առաքելությունը:

«Կարեն Կարապետյանը մեծ փորձ ունի Վերահսկիչ պալատում աշխատանքի, և այդ փորձը թույլ կտա նոր պաշտոնում լիիրավ ներդնել իր կարողությունները: Նա պետական մարմիներում ևս աշխատանքային փորձ ունի»,-ասաց Գագիկ Մինասյանը:

Վերջինս նշեց, որ թեկնածությունը ներկայացվել է ՀՀԿ-ի կողմից, և որևէ այլ խմբակցություն այլ թեկնածություն չի առաջադրել, և նիստին մասնակից բոլոր անդամները կողմ են քվեարկել թեկնածության օգտին:

Կարեն Կարապետյանը  ներկայացրեց իր աշխատանքային փորձը և տեսլականը: