Սոչիում զինված հարձակում է տեղի ունեցել Կալատոզա մականվամբ հայտնի քրեական հեղինակության դեմ

17:29 • 10.09.18

Ռուսաստանի Սոչի քաղաքում զինված հարձակում է տեղի ունեցել քրեական հեղինակություն Դավիդ Կարսելաձեի դեմ, որն առավել հայտնի է Կալատոզա մականվամբ, այս մասին գրում է lenta.ru-ն՝ հղում անելով իրավապահ մարմիններում իր աղբյուրին։

Լրատվամիջոցի զրուցակիցը, ում անունը չի բացահայտվում, նշել է, որ Կալատոզայի վրա կրակ են բացել ատրճանակից։

Տուժածը հոսպիտալացվել է հրազենային լուրջ վնասվածքներով և այժմ գտնվում է Սոչիի հիվանդանոցներից մեկի վերակենդանացման բաժնում։

Հարձակումն իրականացրած անձի կամ անձանց մասին տեղեկություններ չեն փոխանցվել։ 

Կատարվածի առնչությամբ հարուցվել է քրեական գործ, այլ մանրամասներ չեն հաղորդվում։