Լեհաստանի ԱԳՆ-ից հեռացվել են Միջազգային հարաբերությունների Մոսկվայի պետական ինստիտուտի բոլոր շրջանավարտները

10:25 • 11.09.18

Լեհաստանի արտաքին քաղաքական գերատեսչության աշխատակազմը վերջին տարիներին գրեթե ամբողջությամբ թարմացվել է, նախարարությունից հեռացվել են հանրահայտ Միջազգային հարաբերությունների Մոսկվայի պետական ինստիտուտի բոլոր շրջանավարտները:


Ինչպես հայտնում է aif.ru-ն, այս մասին պատմել է Լեհաստանի արտգործնախարար Յացեկ Չապուտովիչը, որի խոսքով՝ նախարարության ղեկավարների թիմը գրեթե 100%-ով փոխվել է:


«Այժմ երկրում և արտասահմանում ղեկավար պաշտոններ զբաղեցնողների շարքում չկան այնպիսինները, որոնք աշխատել են կոմունիստական վարչություններում կամ եղել են Միջազգային հարաբերությունների Մոսկվայի պետական ինստիտուտի շրջանավարտներ»,- Լեհաստանի ԱԳՆ-ի դիվանագիտական ակադեմիայում ունեցած ելույթի ժամանակ հայտարարել է Չապուտովիչը:

Նա ընդգծել է, որ 2016թ. Լեհաստանի ԱԳՆ-ն 435 նոր աշխատող է ընդունել: Նախարարի խոսքով՝ այս պրակտիկան միանգամայն նորմալ է Եվրոպայում ու անհրաժեշտ է նախարարության արդյունավետ աշխատանքի համար:

Աղբյուրը հավելում է, որ Չապուտովիչն ընթացիկ տարվա հունվարին արտգործնախարարի պաշտոնում նշանակվելուց հետո, հայտնել էր նոր կադրային քաղաքականության՝ Միջազգային հարաբերությունների Մոսկվայի պետական ինստիտուտի շրջանավարտներին աշխատանքից հեռացնելու մասին: Փոխարենը նա որոշել է ընդունել Լեհաստանի դիվանագիտական ակադեմիայի շրջանավարտներին: