Հակառակորդը գնդակոծել է Չինարին. հայկական կողմը պատասխան կրակ է բացել. aravot.am

02:23 • 15.09.18

Բերդի տարածաշրջանի Չինարի գյուղը երեկ՝ սեպտեմբերի 14-ին գնդակոծվել է:

Ինչպես aravot.am-ին է տեղեկացրել գյուղի վարչական ղեկավար Սամվել Սաղոյանը, ժամը 8:30-ից ադրբեջանական զինուժը ԴՇԿ գնդացիրներից, նաև դիպուկահարի միջոցով կրակ է բացել մեր պաշտպանական դիրքերի, շուրջ մեկ ժամ՝ գյուղի վրա:

Աղբյուրի տվյալներով՝ գյուղում վնասվել է տներից մեկի պատը, մեկ այլ առանձնատան ջրի խողովակը, ջրի բաքը և տանիքը: Գնդակները դիպել են նաև գյուղի մանկապարտեզի շենքի պատերին: Ս. Սաղոյանը նշել է, որ ադրբեջանական զինուժի գնդակոծությանը մեր պաշտպանական դիրքերից պատասխան է տրվել: