ԱՄՆ-ում շնաձուկը հարձակվել է սերֆինգիստի վրա՝ մահացու վնասվածքներ հասցնելով նրան
Ամերիկյան Մասաչուսեթս նահանգում սեպտեմբերի 15-ին արտակարգ դեպք է գրանցվել. շնաձուկը հարձակվել է տղամարդու վրա:
Ինչպես հաղորդում է CBS News հեռուստաալիքը, ստացած վնասվածքներից տուժած տղամարդը մահացել է: Միջադեպը տեղի է ունեցել Քեյփ Քոդ թերակղզու լողափերից մեկի մոտակայքում:
Շնաձուկը հարձակվել է 26-ամյա տղամարդու վրա, երբ վերջինս սերֆինգով է զբաղված եղել: Նրա ընկերոջը հաջողվել է տուժածին դուրս բերել ջրից, սակայն ավելի ուշ վերջինս մահացել է հիվանդանոցում:
Միջադեպից հետո լողափը փակվել է հանգստացողների համար:










