Վատիկանում ավտոմեքենան վրաերթի է ենթարկել մի խումբ մարդկանց

01:37 • 20.09.18

Վատիկանից ոչ հեռու մարդատար ավտոմեքենան վրաերթի է ենթարկել մի խումբ մարդկանց, հաղորդում է իտալական Rainews24 հեռուստաալիքը:

Միջադեպը տեղի է ունեցել չորեքշաբթի՝ սեպտեմբերի 19-ին, դեպի Սուրբ Պետրոսի հրապարակ տանող Via della Conciliazione փողոցի խաչմերուկում:

Նախնական տվյալներով՝ անձրևից հետո խոնավ փողոցի պատճառով վարորդը կորցրել է մեքենայի կառավարումը, ինչն էլ դարձել է վրաերթի պատճառ:

Միջադեպի հետևանքով տուժել է 5 մարդ: Տուժածները բոլորը մի ընտանիքի անդամներ են և հանդիսանում են Լեհաստանի քաղաքացիներ: Նշվում է, որ վարորդը փախուստի չի դիմել և օգնություն է ցուցաբերել տուժածներին: