Կամչատկայի ափերի մոտ 4.3 մագնիտուդ ուժգնությամբ երկրաշարժ է տեղի ունեցել
Խաղաղ օվկիանոսում՝ Կամչատկայի ափերի մոտ սեյսմոլոգները 4.3 մագնիտուդ ուժգնությամբ երկրաշարժ են գրանցել։ Այդ մասին РИА Новости-ին հայտնել են Ռուսաստանի գիտությունների ակադեմիայի Երկրաֆիզիկայի ծառայության Կամչատկայի մասնաճյուղից։
Ինչպես հաղորդել է ծառայության ներկայացուցչը, ստորգետնյա ցնցումները գրանցվել են երկուշաբթի առավոտյան (տեղական ժամանակով): Երկրաշարժի էպիկենտրոնը գտնվել է Խաղաղ օվկիանոսում ավելի քան 40 կմ խորության վրա՝ Ուստ-Կամչատսկ ավանից 142 կմ հարավ:
Հաղորդվում է, որ շրջանի բնակելի վայրերում ստորգետնյա ցնցումները չեն զգացվել:










