Բելգիայի վարչապետը Եվրամիությանը Թուրքիայի հետ ռազմավարական համագործակցության կոչ է արել

12:52 • 25.09.18

Բելգիայի վարչապետ Շառլ Միշելը խոսել է Թուրքիայի հետ Եվրամիության ռազմավարական համագործակցության օգտին՝ ներկայումս «անիրական» անվանելով ԵՄ-ին երկրի անդամակցումը, գրում է «ՌԻԱ Նովոստի»-ն:

«Անհրաժեշտ է ռազմավարական համագործակցություն»,- ասել է Շառլ Միշելը՝ Նյու Յորքում ՄԱԿ-ի Գլխավոր վեհաժողովի շրջանակում Թուրքիայի նախագահ Ռեջեփ Թայիփ Էրդողանի հետ հանդիպմանը:

Վարչապետի խոսքով՝ բանակցություններն «ավելի բաց էին, քան ես ակնկալում էի», և «անհրաժեշտ է ավելի ակտիվ քննարկել մի շարք հարցեր և ավելի լավ համագործակցել»:


Պաշտոնյաներն ավելի քան մեկ ժամ քննարկել են տարածաշրջանում Թուրքիայի աշխարհաքաղաքական դերը, ահաբեկչության դեմ պայքարը, միգրացիայի խնդիրը, ԵՄ-ի հետ հարաբերությունները:

«Թուրքիայի հետ անհրաժեշտ է վարել բաց և ազնիվ քննարկում»,-բանակցությունների արդյունքներով ասել է Բելգիայի վարչապետը: