ԻՊ-ը ցանկանում է Կենտրոնական Ասիայում «խալիֆայություն» ստեղծել. ԱՊՀ հակաահաբեկչական կենտրոնի ղեկավար

10:04 • 25.09.18

«Իսլամական պետություն» ահաբեկչական խմբավորումը ցանկանում է Կենտրոնական Ասիայում «խալիֆայություն» ստեղծել: Այդ մասին պատմել է ԱՊՀ հակաահաբեկչական կենտրոնի ղեկավար Անդրեյ Նովիկովը, գրում է «ՌԻԱ Նովոստի»-ն:

Այդ մասին նա ասել է «Իսիկ-Կուլ-Հակաահաբեկչություն-2018» զորավարժությունների շրջանակում անցկացվող ԱՊՀ երկրների անվտանգության մարմինների հակաահաբեկչական ստորաբաժանումների և հատուկ ծառայությունների ղեկավարների խորհրդակցության ժամանակ:

Նրա խոսքով՝ գրոհայինները նաև փորձում են ակտիվացնել տարածաշրջանում գտնվող «քնած խմբավորումներին»:

Իր հերթին՝ Ղրղզստանի փոխվարչապետ Ժենիշ Ռազակովը նշել է, որ ահաբեկչական սպառնալիքները Կենտրոնական Ասիայում և ԱՊՀ երկրներում միայն ուժեղանում են և երկարաժամկետ բնույթ են ստանում: