Թագավորական ընտանիքի առաջին միասեռ ամուսնությունը. Էլիզաբեթ 2-րդի զարմիկը պսակադրվել է տղամարդու հետ (լուսանկարներ)
Մեծ Բրիտանիայի թագավորական ընտանիքում գրանցվել է առաջին ոչ ավանդական պսակադրությունը. թագուհի Էլիզաբեթ 2-րդի զարմիկ լորդ Այվար Մաունթբաթենն ամուսնացել է վաղեմի զուգընկերոջ՝ Ջեյմս Քոյլի հետ:
Ինչպես նշում է Daily Mail-ը, պսակադրությանը ներկա է եղել 60 մարդ՝ այդ թվում նաև լորդի նախկին կինն ու երեք երեխաները: Սակայն թագավորական ընտանիքի անդամներից որևէ մեկը ներկա չի եղել՝ պատճառ բերելով գերծանրաբեռնված գրաֆիկը:
Աղբյուրը մանրամասնում է, որ Մաունթբաթենը նախկինում ամուսնացած է եղել ու ունի երեք դուստր: Սակայն 2014թ. նա խոստովանել է, որ միասեռական է:
«Նախկին ամուսնությանս 17 տարվա ընթացքում ես պայքարել եմ ինքս իմ, իմ ցանկությունների դեմ: Կինս միշտ էլ իմացել է, որ տղաներն ինձ գրավում են, սակայն նա այդ ամենին ըմբռնումով է մոտեցել, ինչի համար ես նրան երախտապարտ եմ»,-նշել է նորապսակը:













