«Քսենոփոն» փոթորկի պատճառով Հունաստանի Ատտիկա մարզի դպրոցները ժամանակավորապես փակվել են

03:13 • 28.09.18

«Քսենոփոն» փոթորկի պատճառով Հունաստանի Ատտիկա մարզի նահանգապետ Ռենա Դուրուն արգելել է ուրբաթ՝ սեպտեմբերի 28-ին, դպրոցներում դասեր անցկացնել, հաղորդում է РИА Новости-ն՝ հղում անելով մարզի իշխանություններին:

Նշվում է, որ դպրոցները չեն աշխատելու ամպրոպի, հորդառատ անձրևների և ուժգին քամու պատճառով: Տվյալների համաձայն՝ փակ են Զակինթոս, Թինոս, Անդրոս և Միկոնոս կղզիների, ինչպես նաև Չանիա և Ռեթիմնո քաղաքների դպրոցները:

«Չափազանց ուժգին ու վտանգավոր եղանակային պայմանների և աշակերտների տեղափոխման ու դպրոցի աշխատանքի կազմակերպման հետ կապված բարդությունների պատճառով նահանգապետ Ռենա Դուրուի հրամանով ուրբաթ՝ սեպտեմբերի28-ին, Ատտիկայի բոլոր դպրոցները փակ են լինելու»,- ասվում է իշխանությունների հայտարարության մեջ: