Լոս Անջելեսի միջազգային օդանավակայանում թույլատրել են մարիխուանան

14:37 • 29.09.18

Այսուհետ Լոս Անջելեսի միջազգային օդանավակայանում թույլատրվում է 21 տարեկանը բոլորած անձանց իրենց մոտ մարիխուանա ունենալ: Այնուհանդերձ՝ ուղևորները չեն կարող այն իրենց հետ օդանավ անցկացնել:

Ինչպես նշում է Daily Mail-ը, իշխանությունները մանրամասնել են, որ եթե ուղևորներից որևէ մեկը փորձի մարիխուանան իր հետ ինքնաթիռ անցկացնել, ապա պատասխան կտա օրենքի առաջ:

Տրանսպորտի անվտանգության հարցերով հանձնաժողովը տեղեկացրել է, որ նահանգում գործող կանոնների համաձայն՝ մարիխուանայի թույլատրված քանակի սահմանը գերազանցելու դեպքում ուղևորը կտուգանվի:

Հայտնի է, որ ԱՄՆ մի շարք նահանգներում օրինականացվել է մարիխուանայի օգտագործումը: Առաջին նահանգներից մեկը եղել է Կոլորադոն: Սակայն հատկանշական է, որ նահանգի գլխավոր քաղաքի՝ Դենվերի միջազգային օդանավակայանում արգելվում է մարիխուանան: