Ֆրանսիայում գործող մուսուլմանական կազմակերպությունում խուզարկումներ են անցկացվել, ձերբակալվել է 11 մարդ
Ֆրանսիայում՝ Գրան Սեն կոմունայում, հակաահաբեկչական գործողության ընթացքում 11 մարդ է ձերբակալվել, գրում է ria.ru-ն:
Մոտ 200 ոստիկանի մասնակցությամբ հակաահաբեկչական գործողությունը սկսվել է առավոտյան՝ ֆրանսիական ժամանակով ժամը 6-ին՝ Centre Zahra France մուսուլմանական կազմակերպության գրասենյակում:
Նշվում է, որ այս կառույցի ղեկավարներին կասկածում են «մի քանի ահաբեկչական կազմակերպության» աջակցելու համար:
Ինչպես հայտնել են ոստիկանությունից՝ խուզարկումներ են անցկացվում նաև կառույցի ղեկավարների տներում: Հաղորդվում է, որ գործողությունը դեռ չի ավարտվել:
Centre Zahra France-ի ակտիվները սառեցվել են 6 ամսով, գրում է Journal Officiel-ը:










