Ինդոնեզիայի ափերի մոտ 5.9 մագնիտուդ ուժգնությամբ երկրաշարժ է գրանցվել
Ինդոնեզիայի ափերի մոտ կրկին երկրաշարժ է տեղի ունեցել: 5.9 մագնիտուդ ուժգնությամբ հերթական երկրաշարժը գրանցվել է Նգգոնգի քաղաքից 37 կմ հարավ: Այս մասին հաղորդում է Life.ru-ն՝ ԱՄՆ երկրաբանական ծառայությանը հղումով:
Երկրաշարժի օջախը գտնվել է 10.6 կմ խորության վրա: Զոհերի, տուժածների կամ ավերածությունների մասին առայժմ որևէ տեղեկություն չի հաղորդվել: Ցունամիի վտանգ չկա:
Հիշեցնենք, որ օրեր առաջ՝ սեպտեմբերի 28-ին ինդոնեզական Սուլավեսի կղզում գրանցվել է 7.4 մագնիտուդ ուժգնությամբ երկրաշարժ, որին հաջորդել է հզոր ցունամին: Վերջին տվյալներով՝ տարերային աղետի հետևանքով զոհերի թիվը գերազանցել է 1200-ը:










