Դաղստանի դպրոցներից մեկում դյուրավառ նյութի բոցավառման պատճառով աշակերտներից մի քանիսը լուրջ այրվածքներ են ստացել

07:27 • 03.10.18

Դաղստանի դպրոցներից մեկի մարզադահլիճում անհայտ ծագման խառնուրդի բոցավառման ու պայթյունի հետևանքով լուրջ այրվածքներ են ստացել դպրոցի աշակերտներից մի քանիսը: Ինչպես գրում է Gazeta.ru-ն, այս մասին հաղորդում է РИА Новости-ն՝ հղում անելով տարածաշրջանի առողջապահության նախարարությանը:

Վարչության տվյալների համաձայն՝ միջադեպի հետևանքով տուժել է հինգ դեռահաս: Նրանցից ամենակրտսերը 14 տարեկան է, ավագը՝ 18:

Հաղորդվում է, որ երեխաները շատ լուրջ վնասվածքներ են ստացել: Նրանք հոսպիտալացվել են մարմնի 60%-90% այրվածքներով, այս պահի դրությամբ բժիշկները տուժածների վիճակը ծանր են գնահատում: