Համացանցում է հայտնվել Սուդանի օդանավակայանում երկու ինքնաթիռների բախման տեսանյութը
Համացանցում է հայտնվել Սուդանի մայրաքաղաք Խարթումի օդանավակայանում երկրի ռազմաօդային ուժերի ԱՆ-32 և ԱՆ-26 ինքնաթիռների բախումը, միջադեպի մանրամասների մասին հայտնել է Sudan Tribune-ը:
Հրապարակված տեսանյութում երևում է՝ ինչպես է օդանավերից մեկը մեծ արագության տակ հասնում մյուսին ու բախվում նրան: Երկու ինքնաթիռներն էլ գտնվել են նույն թռիչքուղու վրա:
Տեսանյութում երևում են նաև միջադեպի հետևանքները. կադրերից դատելով՝ երկու օդանավերն էլ լրջորեն վնասվել են:
Աղբյուրը հայտնում է, որ վթարի հետևանքով Խարթումի օդանավակայանը ստիպված է եղել դադարեցնել աշխատանքը մի քանի ժամով:
Տուժածների մասին տեղեկություններ չեն հաղորդվել:










