Վրաերթ Կոտայքի մարզում. բժիշկները պայքարում են տուժածի կյանքի համար. shamshyan.com

06:12 • 05.10.18

Երեկ՝ հոկտեմբերի 4-ին, վրաերթ է տեղի ունեցել Կոտայքի մարզում: Ժամը 16:40-ի սահմաններում Հրազդան քաղաքի բնակիչ, 27-ամյա Հովհաննես Դանիելյանը Հրազդան քաղաքի Միկրոշրջան թաղամասի նախկին հատուկ դպրոցին հարակից ճանապարհին Mercedes մակնիշի 50 GG 303 համարանիշի ավտոմեքենայով վրաերթի է ենթարկել Հրազդան քաղաքի բնակիչ, 61-ամյա Ուստիան Սարոյանին:

Ինչպես տեղեկացնում է shamshyan.com կայքը, վրաերթի ենթարկվածը մարմնական վնասվածքներով տեղափոխվել է Հրազդան բժշկական կենտրոն: Բժիշկները պայքարում են նրա կյանքի համար:

Փաստի առթիվ նյութեր են նախապատրաստվում:

Մանրամասները՝ սկզբաղբյուր կայքում: